Roma, një tentativë për Fred

Mungojnë pak ditë para fundit të merkatos dhe Roma nuk e ka gjetur akoma sulmuesin që kërkon prej kohësh. Por shpresat nuk kanë marrë fund akoma, drejtuesit verdhekuq do të bëjnë një tentativë në momentet e fundit për të marrë Federiko Çaves Guedes, më mirë i njohur si Fred. 25-vjeçari brazilian, i cili i ka thyer hundën Kivus pas një goditjeje me bërryl gjatë ndeshjes Roma-Lion në Champions Ligë, tani luan në Brazil me fanellën e Fluminenses, por do të pranonte me dëshirë një transferim në Itali.