Napoli - Në këtë fundviti është kohë bilancesh për çdo sportist, dhe në një intervistë për "Gazzetta dello Sport", Fabio Kanavaro ka folur për zgjedhjen e tij për të shkuar të luajë në Emiratet e Bashkuara Arabe: "Kam zbuluar një botë të re, shumë tërheqëse dhe zbavitëse. Nga ana sportive ky nuk është një cirk, janë duke organizuar një kampionat gjithmonë e më shumë kompetitiv, por pa humbur nga shikimi dhe rritjen e lojtarëve të rinj në skuadrat zinxhir. Skuadra ime Ali Alhi është duke ecur shumë mirë në shumë drejtime". Fabio Kanavaro më pas ka folur për skuadrën kombëtare, duke filluar nga zhgënjimi i Botërorit të fundit të zhvilluar në Afrikën e Jugut: "Më vjen keq, që dikush ka gëzuar më shumë për eliminimin sesa për fitoren e arritur nga kjo skuadër në Gjermani 2006. Por, gjithashtu e dinim që ishte e pamundur të fitohej titulli kampion. Tashmë është normale që paguhet disi për fundin e një cikli fitues. Për Prandelin nuk do të jetë e lehtë kjo punë që ka marrë përsipër: e kam uruar për t'i uruar shumë fat dhe mbarësi në punën e tij. Më duket se shanset dhe mundësitë për një grup cilësor të bashkuar janë", është shprehur ish-mbrojtësi i Juventusit dhe Real Madrid në intervistën e tij për median romane. Fabio Kanavaro ka mbrojtur edhe Xhixhi Bufon me Luixhi Del Nerin, trajnerin e Juventusit që disa herë ka qenë i ashpër me portierin bardhezi që po rikuperohet nga një dëmtim: "Më vjen për të qeshur kur lexoj deklarata të tilla. Xhixhi është shumë mirë, shumë shpejt do të rikthehet të luajë: ai ka numrin 1 të stampuar në lëkurë dhe nuk ka dëshirë të tregojë asgjë. Më pëlqen të mendoj, që trajneri e ka bërë për ta stimuluar akoma më shumë Storarin që tashmë luan si titullar dhe është gjithashtu shumë i rëndësishëm për skuadrën". Kanavaro më pas ka folur edhe për çështjen Calciopoli: "Andrea Anjeli bën shumë mirë që mbron Juventusin. Normale që të blihen karta për të folur me arbitrat? Jo. Por, pak a shumë të gjithë kishin marrëdhënie aspak transparente me drejtuesit e arbitrave. Duhet të fiksohen rregulla të qarta dhe të lihen të qetë arbitrat të bëjnë punën e tyre". Mbi shkarkimin e spanjollit Rafa Benitez nga drejtimi i Interit, Kanavaro është shprehur: "Mund të kishte pritur disa ditë për të folur. Sigurisht, që Interi është kthyer në situatën e pesë viteve më parë. I uroj shumë suksese Leonardos. Milani? Me Ibrahimoviç në përbërje është në pole position për titullin kampion. Kasano? I uroj që të shprehë në skuadrën kuqezi talentin e tij me vazhdimësi për të hedhur poshtë të gjithë zërat kundër tij".