Gjigantët amerikanë të veshjeve sportive, "Nike", të cilët janë sponsorë të Cristiano Ronaldos, dëshirojnë që ylli portugez të luajë krahas Zlatan Ibrahimovicit te skuadra e Interit.“Il Corriere Dello Sport” njofton se drejtuesit e “Nike” i japin shtytje nënshkrimit të Ronaldos me Interin, me ç’rast ata kanë bërë gati edhe një mega-ofertë sponsoruese për portugezin dhe për zikaltrit. Kompania e veshjeve sportive dëshiron t’i bashkojë në një skuadër dy lojtarët kryesorë që i sponsoron, Zlatan Ibrahimovic dhe Cristiano Ronaldo, sepse ky bashkim do t’u sillte shumë para. Sponsori kryesor i Interit, “Pirelli”, ka ofruar më shumë para për Nerazzurët si ndihmesë për ta transferuar në Giuseppe Meazza fituesin e sivjetmë të Topit të Artë, ndërsa nëse bashkohet edhe “Nike”, atëherë ylli i Manchester United shumë shpejt mund ta veshë fanellën zikaltër.