“Bie mundësia bardhezi, Panuçi s’lëviz nga Roma”

“Në fund mendoj se Kristian do të qëndrojë te Roma. Ka pasur fare pak kohë për të gjetur një sistemim tjetër”. Kështu, pasi u hodh në erë mundësia e fundit për të vajtur te Juventusi, Oskar Damiani, agjent i Panuçit, ka folur për të ardhmen e lojtarit italian. Kështu, mundësia më e madhe ishte dhe ka mbetur ajo e qëndrimit te Roma: “Nuk patëm mundësi të zgjidhim situatën. Fundja kishim pak ditë në dispozicion dhe propozimet e ardhura nuk janë konsideruar të vlefshme nga lojtari. Kështu s’gjetëm asnjë marrëveshje”, përfundoi Damiani, i cili dje gjendej në Angli, në përpjekjen finale për t’i gjetur sistemim lojtarit.