Leonardo mund të zëvendësojë Ançelotin me kualifikimin si trajner. Braziliani duket se është në rrugën drejt stolit. Në fillim do të bëjë kursin e kategorisë së dytë në Koverçiano dhe pastaj me masterin e kategorisë së parë do të marrë licensën për të drejtuar Milanin.
Në çdo rast Leonardo është një drejtues i klubit me të gjitha kuptimet. Të hënën, ai ishte në Francë me Galianin për të risjellë në Milanelo, Joan Gurkufin.Pra, braziliani është gati: pas një jave do të nisë kursin e nivelit të dytë, që do të zgjasë një muaj.
Nga 6 korriku do të jetë pastaj në Milanelo për fillimin e stërvitjes në prag të kampionatit dhe pasi të regjistrohet për masterin e nivelit të dytë, do të marrë nga sektori teknik i Federatës Italiane të Futbollit të drejtën për të drejtuar. Licencë që u jepet të gjithë ish-futbollistëve, që kanë zhvilluar të paktën një fazë finale të një kampionati botëror. Dhe Leonardo triumfoi në 1994-ën me Brazilin.
Pastaj, në fund të masterit, braziliani do të ketë më në fund në xhep licensën e nivelit të parë. Sidoqoftë, trajneri 39-vjeçar është aktiv që tani në rolin e tij. Të hënën, së bashku me Galianin ishte në Francë për të folur me drejtuesit e Bordosë mbi rikthimin nga huazimi të Gurkufit.
Mesfushori francez, që është i huazuar që verën e shkuar, është një nga objektivat kryesorë të Milanit të ri të Leonardos. Brenda së dielës 31 maj, do të mësohet edhe e ardhmja e 23-vjeçarit. Brenda kësaj date, francezët kanë të drejtë të marrin kartonin e plotë.