Ronaldo mes fast food-eve, alkoolit dhe cigareve

"Fenomeni" ka gjetur strehe tek skuadra e Flamengos ku po kurohet pas operacionit ne gju qe e detyroi te braktise fushen. Flamengo eshte klubi qe i ofron nje strehe brazilianit Ronaldo, i cili ndodhet ne udhekryq pasi u la ne mes te kater rrugeve nga Milani qe nuk mund te priste deri ne pafundesi fazen e rekuperimit. Per gjurin e operuar ne muajin janar por edhe per fazen e rekuperimit do kujdeset mjeku i Flamengos, Jose Luiz Runco, keshillat e te cilit i ka kerkuar vete “fenomeni”. Per momentin, Ronaldo nuk e di kohen e rekuperimit dhe per rrjedhoje rikthimin e tij ne fushe, por kjo pak e shqeteson pasi plazhet ne Brazil jane nje kure mjaft efikase per te. “Po ta shikojme klinikisht, gjendja e tij eshte e mire por tani do kalojme ne fazen e pergatitjes muskulare, duke punuar shume ne aspektin e menyres se te ushqyerit”, u shpreh mjeku, Jose Luiz Runco. Nga ana tjeter, nese bejme nje kontroll ne itenerarin ditor te ish sulmuesit te Milanit, mund te mendojme se mjeku i Flamengos do ta kete shume te veshtire, duke pasur parasysh se Ronaldo frekuenton shpesh fast food-et. Por nuk perfundon me kaq, pasi ne muajin korrik ai eshte fotografuar nga nje gazete britanike ne Ibiza duke pire alkool e cigare. Nese ne fund bejme mbledhjen e gjithe historive verore jo shume ushqyese, perfundimi flet qarte, “rikthim i pamundur ne fushe”.