Bardhezinjtë janë gati t’i ofrojnë një kontratë trevjeçare mesfushorit kuqeziÇfarë kanë të përbashkët Milani dhe Juventusi në këtë moment të sezonit? Asgjë, me përjashtim të një lojtari: Andrea Pirlo. Mesfushori, në fakt, vazhdon të jetë në shënjestrën e bardhezinjve. Bëhet fjalë për një ide që mund të konkretizohet pavarësisht heshtjes në lidhje me këtë operacion.
Në Torino janë të gatshëm të ofrojnë një kontratë trevjeçare prej 3 deri në 4 milionë euro në sezon, pa hequr dorë nga Akuilani. Dhe Milani për momentin nuk e ka ngritur çmimin e mesfushorit.
Klubi i Berluskonit e ka shtyrë çështjen e rinovimit, dhe gjithsesi nuk do t’i ofronte lojtarit më shumë se një kontratë dyvjeçare me një përgjysmim të rrogës: nga 6 në 3 milionë euro në vit.
Ndoshta për këtë arsye 32-vjeçari breshian po e përjeton këtë moment të rëndësishëm të kuqezinjve pak i shkëputur, jo vetëm për shkak të dëmtimit, por edhe për shkak të një ftohjeje të marrëdhënieve me klubin. Oferta e Juves (që mund të jetë edhe katërvjeçare) është tunduese dhe ai po mendohet seriozisht.
Edhe për atë se do të kompletonte një “tripletë” personale të rrallë për një futbollist: në fillim tek Interi, më pas te Milani dhe tani te bardhezinjtë. Pikërisht Pirlo do të ishte lojtari i duhur për Del Nerin ose për atë që mund të marrë vendin e tij në sezonin e ardhshëm.
Fantazia e tij në mesin e fushës mund t’i japë Del Pieros me shokë atë që i ka munguar deri tani. Por pa hequr dorë nga Akuilani. Lojtari, me përjahstim të surprizave, duhet të blihet përfundimisht në fundin e sezonit, edhe pse Liverpulit do të t’i kërkohet një ulje prej disa milionësh. /JUVENEWS.TK/