Alesandro dhe Alesandro. Del Piero pason dhe Matri çon topin në rrjetë, por llogaritë nuk dalin ashtu si duhet, sepse dygolëshi i ish-sulmuesit të Kaljarit, që ka arritur edhe një rekord personal për sa u takon golave në Serinë A, nuk ka shërbyer për të ringritur Juventusin:
“Nëse shikoj shifrat e mia jam i kënaqur, por në këtë moment nuk arrij të mendoj për aspektin individual, sepse të gjithë te Juventusi duhet të mendojmë për të mirën e skuadrës, - ka thënë Matri. - Ky është rasti i madh i karrierës time, shpresoj ta shfrytëzoj në maksimum. Jemi të zhgënjyer për rezultatin, por jo për sinjalet që kanë ardhur”.
Edhe Del Piero ka qenë i zhgënjyer: “Kam luajtur mirë? Nuk më intereson. Problemi është se kemi humbur dy pikë. Ne duhet të qëndrojmë të bashkuar dhe të mendojmë vetëm për ta mbyllur në mënyrën e duhur kampionatin”, ka thënë kapiteni bardhezi. /JUVENEWS.TK/