Drejtori sportiv i Juventusit, Giuseppe Marotta, i ka dhënë besimin e tij trajnerit Luigi Del Neri, përkundër humbjes prej 1-0 ndaj Milanit në derbi, e cila u mendua se mund t’ia rrezikonte seriozisht të ardhmen strategut italian.“Përgjegjësia është e të gjithëve dhe nuk është e drejtë që të fajësohet trajneri. Ne do të punojmë shumë. Milani shënoi golin në pjesën e dytë dhe kishte vetëm dy raste në pjesën e parë”.
“Ishte një lojë shumë e keqe, ku kishte pak dallime, edhe pse Milani është më i fortë se ne. Ne duhet të fillojmë të fitojmë, përndryshe nuk do të bëhet mirë. Jam i bindur se skuadra do të reflektojë pas kësaj disfate”, potencoi Marotta. /JUVENEWS.TK/