Trajneri i Juventusit, Luigi Del Neri, e ka përshkruar Felipe Melon si lider dhe është i bindur se braziliani do ta lërë të kaluarën prapa.Melo dështoi të adaptohet në sezonin e kaluar, pas transferimit të tij nga Fiorentina. Por Del Neri pret një kampanjë të shkëlqyeshme nga mesfushori.
“A ka lider në këtë grup? Nga ajo që kam parë këto muajt e parë them se Melo është lider. Nuk kam ankesa për të. Ai bën shaka në dhomën e zhveshjeve dhe vërtet po punon shumë mirë”, ka thënë Del Neri për Tuttosport.
Del Neri po ashtu ka thënë se pavarësisht fuqizimeve të konsiderueshme, Juventusi është më i dobët krahasuar me dy rivalët tjerë, Interin dhe Milanin.