16 shkurt 2010

Van Der Sar: Kujdes nga Huntelaar

Portieri i Manchester Unitedit, Edwin van der Sar, ka kërkuar nga bashkëlojtarët e tij që t’i kushtojnë vëmendje sulmuesit holandez Klaas-Jan Huntelaar, në ndeshjen e të martës mbrëma kundër Milanit.
“Kemi qenë bashkëlojtarë në ekipin e përfaqësuese. Unë e njoh mirë atë. Ai është një sulmues i shkëlqyer, është shumë i mirë në shfrytëzimin e rasteve që mund t’i jepen. (Prandaj) duhet të sigurohemi që të mos i jepen raste të tilla”, ka thënë 39-vjeçari në një konferencë për shtyp.
Portieri holandez ka thënë se ndeshja kundër Milanit do të jetë e vështirë, duke qenë se Rossonerët kanë kualitet dhe tashmë dihet suksesi i tyre në Evropë.