Një kafe me futbollistët, vëllezërit Nebi dhe Nuri Mustafi
Vëllezërit Nebi dhe Nuri Mustafi janë dy emra të njohur të futbollit të cilët mbahen mend nga adhuruesit e futbollit në veçanti nga tifozët e Shkëndijës pasi një kohë bukur të mirë kanë qenë pjesë e “kuqezinjve”. Aktualisht vëllai më madh Nebi Mustafi (1976) është pjesë e skuadrës FC Mypa, të Finlandës, ndërsa Nuri Mustafi (1983) është pjesë e ekipit suedez GIF Sundsvall. Dy vëllezërit aktualisht gjenden në pushim në vendlindjen e tyre fshatin Sheshove. “falënderoj gazetën Fakti, pasi gjithmonë është ka prezantuar aktivitet tona. Dua të theksoj se deri para dy javëve isha pjesë e ekipit FC Mypa, si futbollist standard dhe njëherit kam stërvitur kategoritë e U-15 apo siç njihen në Finlandë. Por a do të vazhdoj kontratën varet nga bisedat që do të bëhen këto ditë” tha Nebi Mustafi i cili këto ditë ka lidhë kontratën jetësore para ofiqarit që do të thotë se është martuar. Sa i përket kontratës së re me ekipin FC Mypa, Nebi thotë kontrata është e hapur dhe pritet vetëm nënshkrimi i tij, por “Nëse do të kem ndonjë ofertë nga klubet tetovarë jam i gatshëm të bisedoj. Dëshira ime është që karrierën si futbollist aktiv të përfundojmë në ekipin e Shkëndijës, por kjo dot realizohet vetëm nëse arrijmë marrëveshje me drejtuesit e klubit”. Nga ana tjetër Nuri Mustafi i cili ka kontratë tre vjeçare me ekipin e ligës së parë suedeze GIF Sundsvall, edhe pse gjatë këtij kampionati për shkak të një lëndimi serioz ka luajtur vetëm tre ndeshje . Ai gjithashtu ka qene edhe kapiten e skuadrës. “ fatmirësisht nuk kam problem rreth kontratës pas ajo vazhdon deri në vitin 2011. Tani pas sanimit të tërësishëm të lëndimit e imja është që të përgatitem mirë për kampionatin e ri, meqë jam edhe kapiten i ekipit obligimet janë edhe më të mëdha” tha Nuri Mustafi, i cili në vitin 2008 ishte futbollisti numër një i skuadrës në Suedi. Nuriu thotë se me përkushtim është duke i ndjekur rezultatet e skuadrave tetovarë në radhë të parë ato të Shkëndijës dhe Renovës, por është pak sa i dëshpëruar me mos interesimin e seleksionuesit Jonuz. “Thjeshtë nuk ka pasur asnjë interesim. Interesimi vetëm ka qene nga Federata Shqiptare e Futbollit, por lëndimi ishte pengesa kryesore. Nuk mund të kuptoj s si futbollist më mirë i shpallur mos ketë interesim nga seleksionuesi”. Lidhur me këtë problematik që i tangon të gjithë futbollistë shqiptar kudo që ato janë , Nebi Mustafi tha:”Nëse do të ketë ofertë serioze nga tre Federata e Futbollit ato Shqiptare, Suedeze apo atë të Maqedonisë me siguri në plan të parë do të ishte reprezentacioni Shqiptar, pastaj ai suedez dhe e treta është Maqedonia nga vetë fakti s e jemi të injoruar nga seleksionuesi” Sa i përket të ardhmes së vëllezërve Mustafi nga Shemshova duhet theksuar se Nebiu është në prag të diplomës në fakultetin e Edukatës Fizike në Shkup dhe njëherit është duke u përgatit edhe për marrjen e licencës për trajner të futbollit “Tanimë këto janë prioritet e mija pasi i afrohet fundi karrierës”. Nga ana tjetër Nuri Musafi është student në UEJL dhe për shkak të angazhimeve profesionale në ekipin GIF Sundsvall e ka lënë pak pas dore, por nuk ka hequr dorë . “Tani për tani prioritet i imi është që të kthehem në ekip të përgatitem mirë dhe të jem ai i cili do të japi kontributin për ekipin tim” tha Nuriu.Në fund të përkujtojmë se vëllezërit Mustafi janë të përkushtuar që në futboll të japin gjithë ata çka nga ato pritet , pasi vetëm në këtë mënyrë do të jenë prezantues të denjë të kulturës dhe sportit shqiptar