Ylli brazilian, Leite Kaka nuk është rikuperuar nga lëndimi në ijë dhe ka mbetur jashtë ekipit të Real Madridit për vizitën te Olympique Marseille, në ndeshjen e fundit të fazës së grupeve të Ligës së Kampionëve, të martën.
Kaka ka stërvitur ndaras nga ekipi gjatë javës dhe mungoi në fitoren 4-2 ndaj Almerias, të shtunën mbrëma. Real Madrid kryeson në Grupin C me dy pikë më tepër se Milani, dhe kanë tri pikë dallim nga kundërshtari i ardhshëm, Marseille.