Bordeaux ka bërë të ditur se sulmuesi Marouane Chamakh nuk do të largohet nga klubi deri në përfundim të këtij sezoni.Sulmuesi maroken, kontrata e të cilit skadon në qershor 2010, kërkohet nga disa prej klubeve më të mëdha evropiane, përfshirë Arsenalin.
Por, trajneri i Bordeaux, Laurent Blanc, ka thënë të premten, për të përditshmen sportive franceze L’Equipe: “Chamakh do të vazhdojë të luajë në Bordeaux nga 1 janari deri më 30 qershor”.
Gjatë verës Bordeaux refuzoi një ofertë të Arsenalit, që besohej se ishte 7.5 milionë euro.