Mediat angleze kanë bërë të ditur se Dimitar Berbatov duhet të operojë gjurin dhe kjo do t’i pamundësojë të paraqitet në fushë për tre muaj.
Sulmuesi i Manchester United ka problem me një ligament. Reprezentuesi bullgar nuk duhet të operohet menjëherë, por në javët e fundit ai ka luajtur me dhimbje dhe ndërhyrja kirurgjike në të ardhmen e afërt është e pashmangshme për tejkalimin e problemit. Kjo është një tjetër goditje e rëndë për Djajtë e Kuq, që kanë pësuar lëndime të shumta gjatë këtij sezoni.