31 gusht 2008

SERIE A TIM - Rezultatet


JAVA 1 30/31.08.2008

Fiorentina - Juventus 1:1
Atalanta - Siena 1:0
Cagliari - Lazio 1:4
Catania - Genoa 1:0
Chievo - Reggina 2:1
Milan - Bologna 1:2
Roma - Napoli 1:1
Torino - Lecce 3:0
Sampdoria - Inter 1:1
Udinese - Palermo 3:1

TABELA:

1 Lazio 1 1 0 0 4 1 +3 3
2 Torino 1 1 0 0 3 0 +3 3
3 Udinese 1 1 0 0 3 1 +2 3
4 Atalanta 1 1 0 0 1 0 +1 3
5 Bologna 1 1 0 0 2 1 +1 3
6 Catania 1 1 0 0 1 0 +1 3
7 Chievo 1 1 0 0 2 1 +1 3
8 Fiorentina 1 0 1 0 1 1 0 1
9 Inter 1 0 1 0 1 1 0 1
10 Juventus 1 0 1 0 1 1 0 1
11 Napoli 1 0 1 0 1 1 0 1
12 Roma 1 0 1 0 1 1 0 1
13 Sampdoria 1 0 1 0 1 1 0 1
14 Genoa 1 0 0 1 0 1 -1 0
15 Milan 1 0 0 1 1 2 -1 0
16 Reggina 1 0 0 1 1 2 -1 0
17 Siena 1 0 0 1 0 1 -1 0
18 Palermo 1 0 0 1 1 3 -2 0
19 Cagliari 1 0 0 1 1 4 -3 0
20 Lecce 1 0 0 1 0 3 -3 0

Barcelona fillon me humbje sezonin nё La Liga

Ekipi i Barcelonёs ka pёsuar humbje qё nё ndeshjen e parё tё sezonit nё La Liga, duke u mposhtur me rezultat minimal 1-0 nga ekipi i porsapromovuar nё ligёn e parё spanjolle, Numancia.Njё gol i vetëm i shёnuar nga Mario, doli tё ishte vendimtar pёr fitoren e Numancias, qё edhe ёshtё fitorja e parё e këtij klubi ndaj gjigantit katalanas.Tё përzgjedhurit e trajnerit Josep Guardiola dёshtuan tё gjejnë portёn e vendasve, përkundёr përpjekjeve tё shpeshta, dhe rasteve tё shumta. Shanset e huqura nga Eto’o dhe Krkic, i dhanë startin mё tё keq tё mundshёm Guardiolas.Ndёrkohё, nga ndeshjet tjera nё La Liga, fitoren mё tё thellё e ka shёnuar Atletico Madrid, qё mposhti ekipin e Malagёs me rezultat 4-0. Villarreal dhe Sevilla qё tё dyja kanё barazuar me rezultat tё njёjtё, 1-1, si mysafirё tё Osasunas, respektivisht Santander.

Bayern deklason Herthan

Duket se fjalët e trajnerit të Bayern Munichut, Jürgen Klinsmann, janë marrë shumë seriozisht nga lojtarët e tij, pasi që bavarezët sot e kanë shkatërruar Herthan me rezultat 4-1.Kjo ishte fitorja e parë e Klinsmannit në krye të Bayernit në sezonin e ri. Për kampionët gjermanë shënuan Toni (12’), Lahm (54’), Schweinsteiger nga penalltia (56’) dhe Klose (70’). Ndërsa golin e nderit për mysafirët nga Berlini e shënoi Marko Pantelic (84’).Fitore ka shënuar edhe Stuttgarti në shtëpi kundër Hannoverit me rezultat 2-0, duke bërë që edhe skuadra e shqiptarit tjetër, Altin Lala, të pësojë humbje.

Serie A: Fiorentina - Juventus


Juventusi sonte do te perballet me Fiorentinen ne stadiumin Artemio Franchi me fillim ne ora 20:30. Claudio Ranieri do te kete veshtiresi te medha ne perballjen e sontshme, duke u bazuar ne lendimet e disa lojtareve kyq sic jane Andrade, Chiellini, Zebina, Zanetti, Marchionni te cilet nuk do te kene mundesi te jene ne dispozicion te trajnerit Ranieri ne Firence, si dhe Sissoko i cili eshte i pezulluar ne kete ndeshje. Sic duket Ranieri do ta pergatise formacionin e tij me kete njembedhjeteshe: ne porte padyshim do te jete Gigi Buffon, ne mbrojtje Grygera, Legrottaglie, Mellberg dhe Molinaro. Ne mesfushe do te luajne Camoranesi, Marchisio, Poulsen dhe Nedved ndersa ne sulm do te startojne Amauri dhe kapiteni Alessandro Del Piero.
Formacionet e mundshme ne perballjen Fiorentina - Juventus


FIORENTINA (4-3-3) - 1 Frey; 14 Zauri, 5 Gamberini, 3 Dainelli, 6 Vargas; 22 Kuzmanovic, 88 Felipe Melo, 4 Donadel; 24 Santana, 11 Gilardino, 10 Mutu.Trajner: Cesare Prandelli.

JUVENTUS (4-4-2) - 1 Buffon; 21 Grygera, 4 Mellberg, 33 Legrottaglie, 28 Molinaro; 16 Camoranesi, 19 Marchisio, 18 Poulsen, 11 Nedved; 8 Amauri, 10 Del Piero.Trajner: Claudio Ranieri.

Chelsea dhe Tottenham i ndajnë pikët


Tottenham Hotspur e ka siguruar pikën e parë të sezonit përballë pretendentit kryesor për ta fituar titullin kampion të Ligës Premier, Chelsea, duke e ndalur me barazim në Stamford Bridge finalistin e Ligës së Kampionëve.Braziliani Juliano Belletti shënoi golin për vendasit (27’), ndërsa në fund të pjesës së parë (45’) Darren Bent ua mohon fitoren Bluve duke shënuar golin e barazimit. Nga ana tjetër Manchester City e ka shkatërruar si mysafir Sunderlandin me rezultat 3-0. një gol i Stephen Ireland në fund të pjesës së parë (45’), dhe dy gola të ish-lojtarit Chelseat, Sean Wright Phillips (50’ dhe 58’), i cili këtë sezon i është bashkëngjitur Cityt, ia kanë siguruar fitoren mysafirëve. Ndërkohë, takimi tjetër ndërmjet Aston Villas dhe Liverpoolit ka përfunduar pa gola.

Pirlo: Ky është një Milan galaktik


Andrea Pirlo mezi po pret ta fillojë sezonin e ri që të shohë kualitetin e lartë të bashkëlojatarëve të rinj te skuadra kuqezi.“Interi është një skuadër e fuqishme, mirëpo ndeshja për Superkupë tregoi se Roma mund t’u bëjë ballë. Dua të përsëris se këtë sezon ka shumë kualitet në skuadrat e Serie A. Inter, Roma, Milan, Juventus dhe Fiorentina, të gjithë do të luftojnë për Scudetto”. “Sa na takon neve, shumica thonë se po shndërrohemi në galaktikë, si Reali dikur. Mirëpo të kesh kaq shumë kampionë në skuadër është diçka pozitive nga e cila mund të ketë dobi skuadra”, ka thënë fantazia e mesfushës.

Milan humbet në shtëpi, Roma barazon


Skuadra e Milanit pavarësisht përforcimeve që ka bërë në sezonin e ri, ka pësuar humbje në midis San Siros nga skuadra e porsainkuadruar në Serie A, Bologna, me rezultat 1-2.Kuqezinjtë kanë udhëhequr lojën gjatë gjithë ndeshjes, mirëpo pasimet e lojtarit më të mirë në ndeshje, Ronaldinho, nuk u shfrytëzuan nga Inzaghi dhe Shevchenko, i cili u inkuadrua në pjesën e dytë. Të parët në epërsi kaluan mysafirët nga Bologna me anë të Di Vaios (18’), ndërsa pa përfunduar pjesa e parë (41’), mesfushori i Milanit, Ambrosini, barazoi rezultatin duke bërë që skuadrat të shkojnë në pushim me rezultat të barabartë, 1-1. Pjesa e dytë ishte sikurse e para, me raste të shumta të krijuara nga transferi i ri i Milanit, Ronaldinho, mirëpo sulmuesit kuqezi nuk arrinin të shënonin në portën kundërshtare. Ndërsa si gjithmonë në futboll nëse nuk shënon, pëson. Valiani në minutën 79 shënoi golin e dytë në ndeshje për bolonjezët, dhe me këto rezultat (2-1) përfundoi takimi me fitore të mysafirëve. Skuadra tjetër pretendente për Scudetto, Roma, ka barazuar në Stadio Olimpico me rezultat 1-1 kundër Napolit, me golat e Aquilanit (29’) për kryeqytetasit dhe Hamsik (55’) për napolitanët. Ekipi tjetër nga kryeqyteti italian, Lazio, ka shënuar fitore të thellë 4-1 në udhëtim kundër Cagliarit. Atalanta dhe Catania kanë shënuar fitore minimale, 1-0, në shtëpi kundër Sienas dhe Genoas, respektivisht. Chievo, e rikthyer në elitën e futbollit italian, e ka mposhtur Regginan me rezultat 2-1, ndërsa Torino ka fituar kundër skuadrës tjetër të inkuadruar në Serie A, Lecces me rezultat 3-0. Takimi i fundit i këtij fillimsezoni të Serie A, që konsiderohet edhe si derbi i javës së parë, do të zhvillohet në orën 20:30 ndërmjet Fiorentinës dhe Juventusit.

DEL PIERO “Po e pres me padurim këtë kampionat”

Sezoni i ri për kapitenin e Juventusit starton me takimin Fiorentina-Juventus, sfidë e cila për Alesandro Del Piero mbart në vetvete shumë kujtime negative, si ato të një viti më parë, kur ai qëndronte në stol dhe nuk dukej aspak pjesë e projekteve të trajnerit Klaudio Raneri: “Padyshim që ajo periudhë nuk ishte aspak e lehtë për mua, – ka thënë Del Piero. – Të gjithë thoshin që nuk isha në formë, por pas disa javësh ndryshuan mendim. Besoj se ato që u thanë për mua më parë, vini nga shpirtligësia e njerëzve dhe se nuk ishin aspak të vërteta. Megjithatë, për mua fjalët nuk kanë shumë rëndësi. Përpiqem të jem gjithmonë gati dhe faktet kanë folur kurdoherë pozitivisht për mua. Aktualisht jam gati dhe kam një uri të madhe për të fituar sa më shumë me Juventusin”, ka përfunduar kapiteni bardhezi i Juventusit.

Ranieri: “Jemi gati për kampionatin dhe Championsin”

Trajneri i Juventusit, Klaudio Raneri, shfaqet tepër luftarak në javën e parë të kampionatit italian, ndërkohë që bardhezinjve të tij do t’i duhet të maten me Fiorentinën në Artemio Franki: “Po punojmë për të ndërtuar skuadrën anti-Inter, – ka thënë trajneri bardhezi. Për momentin po përgatitemi për të qenë në hapin e skuadrave më të forta të Evropës. Tani që kemi përmirësuar skuadrën, mund të luftojmë për të arritur sukses si në kampionat, ashtu edhe në Ligën e Kampioneve. Jam i bindur që skuadra do ta fitojë ndeshjen me Fiorentinën, ndonëse nuk do jetë e lehtë”. Përsa i përket mungesës së sulmuesit David Trezege, i cili është dëmtuar, Ranieri ka shtuar: “Pas kësaj ndeshjeje do kemi dy javë pushim dhe është e kotë ta sforcojmë Davidin për takimin e së dielës”.

Ancelotti refuzon një ofertë të Shakhtar

Trajneri i Milanit, Carlo Ancelotti, ka refuzuar një ofertë goxha të mirë, për të drejtuar klubin ukrainas, Shakhtar Donetsk.Sipas Sky Sport, Shakhtar Donetsk i ka ofruar trajnerit italian një shumë prej 10 milionë eurosh në sezon, për t’u bërë trajner i këtij klubi dhe për ta ngritur atë në një nivel më të lartë.Megjithatë, Ancelotti ka refuzuar ofertën e pasur të klubit ukrainas, duke dëshiruar të vazhdojë me sukses punën në Milan, veçanërisht tash që në ekip ka sjellë shumë përforcime të reja dhe është ngritur sërish në një ekip konkurrues për medalje.

Torres: Liverpool dhe Atletico do të vazhdojnë më tej

Sulmuesi spanjoll, Fernando Torres, shpreson që ekipi aktual i tij, Liverpool dhe ish-ekipi, Atletico Madrid, do të jenë ekipet që do të kalojnë në fazën e ardhshme nga grupi D i Ligës së Kampionëve.“Është një grup shumë i komplikuar, shumë i vështirë dhe secila ndeshje do të jetë finale. Marseille na vështirësoi punën që në vitin e kaluar, na mposhti në Anfield dhe na la të kualifikohemi vetëm pas fitores së fundit në fushë të tyre”, ka thënë Torres.“PSV është shumë ekip solid që punon në mënyrë të pandalshme, ndërsa Atletico do të përpiqet të impresionojë pas rikthimit të tyre në Evropë. Nuk ka pyetje rreth asaj se kush dëshiroj të vazhdojë më tej, ata janë Liverpool dhe Atletico Madrid”, ka shtuar sulmuesi spanjoll.

Roma kërkon Di Michelen

Mediat italiane, përcjellin lajmin se ekipi i Romës është afër angazhimit të sulmuesit të Torinos, David di Michele.Sipas mediave italiane, ekipi i Romës tashmë është në kontakt me drejtuesit e Torinos dhe ka pyetur për mundësinë e angazhimit të David Di Micheles.Ekipi nga kryeqyteti italian dëshiron ta angazhojë sulmuesin si huazim njëvjeçar, i cili në Olimpico do të arrinte si zëvendësim për Mauro Espositon.29-vjeçari Esposito ka kërkuar nga drejtuesit e Romës që të shitet, dhe pritet që gjatë vikendit të kalojë në njërën prej ekipeve të interesuara. Chievo, Siena, Reggina dhe Bologna janë destinacionet e mundshme të Espositos.

Vieira: Arsenali duhet të blejë lojtarë me përvojë

Mesfushori i dikurshëm i Arsenalit, Patrick Vieira, ka thënë se nëse topçinjtë dëshirojnë të konkurrojnë për trofe të mëdha ata duhet të shpenzojnë në blerjen e lojtarëve të mëdhenj.“Këtë sezon ata kanë nevojë për një mesfushor, një lider kryesor në mesfushë. Arsene ka blerë lojtarë të mirë gjatë viteve dhe shpresoj se do ta gjejë njeriun e duhur për skuadrën”.“Ata do të kenë probleme në momentet kritike të sezonit, pikërisht atëherë kur duhet të fitojnë ndeshje të mëdha. Ata kanë kualitet dhe potencial, por nuk kanë përvojë”, ka thënë mesfushori zikaltër.

Mourinho përqesh Ligën Premier

Trajneri i Inertit, Jose Mourinho, u është kundërvënë kritikave të medieve angleze për Serie A duke e përqeshur Ligën Premier.“Anglezët thonë se Serie A është vendi i pensionistëve? Dëshironi të dëgjoni çka mendoj unë? Nëse dëshironi ta valoj flamurin e Italisë, do ta bëj, sepse unë jam me italianët në këtë rast”.“Nuk është vështirë t’u përgjigjesh anglezëve. Krejt çka duhet të bësh është të shikosh një ndeshje të Ligës Premier me pakëz përqendrim dhe do ta gjesh përgjigjen”.Me anë të kësaj deklarate duket se Mourinho dëshiron t’i përmirësojë raportet e prishura me mediat italiane, duke mbrojtur Serie A.

30 gusht 2008

Ranieri zgjedh djemt e tij per luften ne Firence

Claudio Ranieri me shume veshtiresi do te udhetoje per ne Firence, ku Juventusi i tij do te perballet me Fiorentinen. Lendimet e teperta kane bere gjithe kete kaos qe po mbizoteron ne skuader, dhe lendimi i fundit i Trezeguet sikurse do ta vendose teknikun ne ferr. Andrade, Chiellini, Zebina, Zanetti, Marchionni dhe Trezeguet per shkak te lendimeve nuk do te mund t'iu ndihmojne shokeve te tyre, ndersa maliani Mohamed Sissoko per shkak te pezullimit nuk do te kete mundesi te luaje ne Firence. Ranieri per kete ndeshje ka ftuar 20 lojtare per transferten ne Firence.
Ata jane:1 Buffon, 4 Mellberg, 7 Salihamidzic, 8 Amauri, 9 Iaquinta, 10 Del Piero, 11 Nedved, 12 Chimenti, 13 Manninger , 15 Knezevic, 16 Camoranesi, 18 Poulsen, 19 Marchisio, 20 Giovinco, 21 Grygera, 27 Ekdal, 28 Molinaro, 29 De Ceglie, 30 Tiago, 33 Legrottaglie.

Advocaat: Kjo është sinjal për Realin dhe Juventusin

Trajneri i Zenit St Petersburg, Dick Advocaat, ka thënë se është ndarë i kënaqur me lojën e të zgjedhurve të tij, në ndeshjen e djeshme kundër Manchester United, dhe i ka paralajmëruar rivalët e grupit në Ligën e Kampionëve. Zenit, fitues i Kupës UEFA, mposhti fituesin e Ligës së Kampionëve, Manchesterin, në luftë për Superkupën e Evropës, dhe me këtë ka dërguar një porosi të qartë tek Real Madrid dhe Juventus, të cilët tashmë konsideron favoritë në grupin H. “Iu dërguam një sinjal të qartë rivalëve tanë të Ligës së Kampionëve. Ata tashmë e dinë se çfarë i pret. Në duelin me Manchesterin, kishim disa raste për shënim dhe besoj se e kemi merituar suksesin”, ka thënë trajneri holandez i kampionit rus.

Zabaleta refuzon Juventusin për të kaluar në City

Përforcimi i ri i Manchester Cityt, Pablo Zabaleta, ka refuzuar një ofertë të Juventusit, për të kaluar në Premierligë. Argjentinasi kaloi nga Espanyoli tek Manchester City për një shumë prej 6.5 milionë funtesh, duke nënshkruar marrëveshje katërvjeçare me ekipin anglez. Sipas mediave, angazhimi i Zabalettas, mund të thotë edhe shitje e Vedran Corlucas tek Tottenham. “Oferta e Cityt ishte e pamundshme të refuzohet dhe jo vetëm për shkak të parave. Premierliga është parajsë për futbollistët. Juventusi po ashtu më dëshironte, por unë dëshirova të vij në Angli, tek City”, ka thënë argjentinasi.

Lendohet edhe Trezeguet, nuk luan ne Firence

Juventusi assesi nuk mund te ndaloje me lendimet e lojtareve. Pas lendimeve te Andrades, Chiellinit, Marchionnit, Zanettit tash edhe David Trezeguet do te jete ai i cili do te mungoje ne ndeshjen derbi te gjiros se pare te kampionatit italian, ku Juvja do ta startoje neser ne transferte ne Firence kunder Fiorentines. David Trezeguet ka marre nje lendim dje ne stervitje ne gjurin e kembes se djathte dhe do te mungoje ne ndeshjen e hapjes per Juventusin ne Serie A. Trezeguet ishte i menduar te jete titullar per kete ndeshje nga ana e Ranierit, mirepo nga pesimi i lendimit vendin e tij do ta zevendesoje sigurisht Amauri.

Tiago refuzoi edhe Monacon!

Portugezi i radheve te Juventusit, Tiago Cardoso Mendes duket se edhe nje sezon do te kaloje tek Juvja pasi qe ai ka refuzuar te gjitha ofertat e ofruara nga klube te ndryshme evropiane. Tiago se pari refuzoi kalimin ne Tottenham, me pas refuzoi Evertonin, Porton dhe me ne fund ka refuzuar edhe oferten e Monacos, vetem e vetem per te qendruar me ngjyrat bardhezi. Tiago erdhi ne Juventus vitin e kaluar per nje shume te hollas prej 13 milione euro dhe thuajse gjate gjithe sezonit ishte i ulur ne pankine gjate ndeshjeve ku luante Juventusi. "A do te jete edhe nje tjeter vit per Tiagon te qendroje ne pankine sikur vitin e kaluar, do te shohim gjate sezonit te ardhshem"!.

Sie Alex Ferguson: Favoritet e mi per Ligen e Kampioneve jane Juventusi dhe Barcelona

Menagjeri i skuadres se Manchester Unitedit, Sir Alex Ferguson ka thene se per sezonin e ardhshem favoritet e tij per nje triumf ne Ligen e Kampioneve do te jene Juventusi dhe Barcelona. Them keshtu duke u bazuar se dyja skuadrat kane nje ekip stabil dhe te forte fizikisht. Juvja rikthehet ne Champions pas tre vitesh, dhe ky vit do te jete nje vit surprize per bianconeret. Gjithashtu edhe Barcelona eshte favoriti tjeter i imi. Ata sivjet kane perforcuar skuadren e tyre me disa emra te medha dhe mendoj se do te jene nje rival kryesor per ta fituar Championsin. Gjithashtu Ferguson nuk hedh posht edhe mendimin se edhe skuadra e tij Manchesteri do te jete ekipi i cili do te luftoje per te mbrojtur kete trofe, pasi qe ata kete vit jane zoteruesit dhe fituesit aktual te evenimentit me te madh ne Evrope.

29 gusht 2008

Trofeu i Superkupёs nё duart e Zenitit

Kampioni i Rusisё, Zenit St Petersburg, edhe njёherё i ka dëshmuar kualitet e veta, duke e mposhtur kampionin e Premierligёs, Manchester United, me rezultat 2-1, dhe duke fituar kështu Superkupёn e Evropёs.Zenit zhvilloi njё ndeshje tё shkëlqyeshme, dhe tregoi se mund tё përballet me gjigantёt e Evropёs. Derisa vitin e kaluar mposhti Bayernin, Zenit, fitues i Kupës UEFA, kësaj here mposhti Manchester Unitedin, fituesin e Ligës së Kampionëve, në luftë për trofeun e Superkupës.Djajtё e kuq nuk ishin nё nivelin e sezonit tё kaluar, ku sёrish u vërejt mungesa e Cristiano Ronaldos.Gjatё ndeshjes sё luajtur nё Monako, pati dy pjesё tёrrёsisht tё ndryshme. E para kaloi me njё lojё tё kujdesshme dhe me pak raste, derisa goli i parё erdhi nё mintat e fundit tё kësaj pjese nga Pogrebnyak (44’).Goli i pjesës sё parё solli njё futboll mё interesant nё pjesën e dytё, gjatё tё cilës pjesё nё fushё u paraqit edhe ylli Andrei Arshavin. Manchester përpiqej tё barazonte, por Zenit pati iniciativën si dhe mё shumё raste, qё rezultoi edhe me njё gol tjetёr. Rezultatin e dyfishoi ylli i ri i Zenit, Danny Alves (59’).E gjithё çfarë mundi tё bёnte Manchesteri ishte ngushtimi i rezultatit nё 2-1, gol tё cilin e shёnoi mbrojtësi serb, Nemanja Vidic (73’).

Juvja ia vjedh djalin Barçes


Sipas Sport.es, Juventusi ka fituar konkurrencen me Ajaxin si dhe Manchester Unitedin, per lojtarin blaugrana Iago Falque, lojtare juvenil i radheve te Barcelones. Sipas mediave iberike, 18-vjecari mesfushor ofensiv pritet te nenshkruaje per Zonjen ne oret e ardhshme. Juvja per lojtarin nuk ka zbarkuar as nje shume te hollas, qe dmth se lojtari do t'i bashkangjitet Juves me parametra zero. Lojtari vendosi te kaloje ne Torinon e Juventusit, pas deshires se madhe te Claudio Ranierit, i cili lojtarit i ka premtuar se do te jete pjese e skuadres se pare. Falque neser mendohet t'i kaloje testimet mjeksore, dhe me pas te prezentohet edhe zyrtarisht lojtar i ri i Juventusit.
DISA DETAJE TE TIJE NE VIDEO.

video

Giovinco: Jam i mirë aq sa Messi dhe Aguero


Talenti i ri i Juventusit, Sebastian Giovinco beson se është i mirë aq sa Lionel Messi i Barcelonës dhe Sergio Aguero i Atletico Madridit. Futbollisti 21-vjeçar së shpejti pritet të bëhet njëri nga lojtarët më të mirë në Serie A dhe ai nuk ka ngurruar që ta krahasojë vetën me dy prej lojtarëve më të mirë në Spanjë. "Unë gjithmonë do ta krahasoj vetën me ata dy lojtarë. Ata janë dy superyje, por edhe unë jam si ata", ka theksuar Giovinco për "Tuttosport". "Synimi im është që në fanellën e Juventusit të tregoj vlerat e mia të vërteta. Kam pasur mundësi për të shkuar në ndonjë skuadër tjetër, por vendosa të rikthehem te Juventusi, ngase gjithmonë kam ëndërruar të luaj në fanellën bardhezi", ka theksuar Giovinco, i cili edicionin e kaluar luajti si huazim tek Empoli, ku me paraqitjet e tij zgjoi vëmendjen e madhe të shumë klubeve. Giovinco do të mundohet që të dëshmohet si një pasardhës i Pavel Nedvedit te skuadra e Ranierit.

Zidane: Reali do ta fitojë Ligën e Kampionëve


Legjenda e futbollit francez, Zinedine Zidane, i cili ka luajtur te Juventusi dhe te Real Madridi, ka thënë se në edicionin e ri të Ligës së Kampionëve do të jetë përkrahës i Realit. Në fakt, Reali dhe Juventusi janë përfshirë në të njëjtin grup në Ligën e Kampionëve, së bashku me Zenitin dhe Bate Borisowin. "Ndeshja ndërmjet Realit dhe Juventusit do të jetë shumë e fortë. Unë kam luajtur në Torino dhe në Madrid. Do ta shikoj këtë ndeshje me vëmendje të madhe, por do të jem përkrahës i Realit, edhe pse një kohë të gjatë e kam kaluar në Torino", ka pohuar Zidane për të përditshmen italiane "La Stampa". "Juventusi është një klub me histori të madhe dhe ndër klubet më prestigjioze. Jam i lumtur që ky klub është rikthyer sërish në Ligën e Kampionëve dhe mendoj se kjo do të jetë një gjë e mirë për vetë futbollin evropian. Mendoj se bardhezinjtë do të mund të kenë një ecuri të mirë në edicionin e sivjetmë në Ligën e Kampionëve, pasi në radhët e veta ka lojtarë kampionë dhe ata do t'i shërbejnë për të arritur te suksesi. Megjithatë, favoriti im mbetet Reali dhe jam i bindur se madrilenët do të ngrejnë trofeun në Romë", ka përfunduar Zidane, i cili u transferua te Juventusi në vitin 1996 nga Bordaux dhe luajti plotë pesë vjet, për të kaluar më pas te Real Madridi për një shifër rekorde të asaj kohe, 52 milionë funta.

Nedved i gatshem per Fiorentinen


Mediat italiane theksojne se lojtari i Juventusit, Pavel Nedved ka filluar me stervitjet dhe do te jete i gatshem per ndeshjen me Fiorentinen. Corriere dello Sport lajmeroi se Claudio Ranieri sot eshte pergatitur per ndeshjen me Violet, dhe stervitja e mengjesit eshte mbajtur mbas dyerve te mbyllura. Lajme te mira per Zonjen e Vjeter eshte rikthimi i Nedvedit i cili ka filluar stervitjet dhe pritet te jete fillestar ne ndeshjen e pare per sezonin e ri. Sissoko edhe me tej eshte i lenduar por ai edhe ashtu di ta leshoje ndeshjen per shkak te kartonit te kuq. Pritet qe sulmin ta udheheqin Del Piero dhe Trezeguet, mirepo dilema e vetme per Ranierin eshte pozicioni i mbrojtesit anesor te djatdhe dhe rreth saj a do te luaje Salihamidzic ose Grygera.

Krkic jashtë përfaqësuese së Spanjës


Vicente del Bosque e ka lënë jashtë skuadrës së tij të parë zyrtare të Spanjës Bojan Krkicin, ndërsa e ka thirrur Cesc Fabregasin për takimet e para kualifikuese për Kampionatin Botëror kundër Bosnjës dhe Armenisë.Pavarësisht se Krkic ka hequr dorë nga përfaqësuesja e Serbisë për të luajtur për Spanjën, Del Bosque nuk e ka ftuar sulmuesin e Barcës në përfaqësuesen e Spanjës, megjithatë nuk ia ka mbyllur dyert të riut me prejardhje serbe. Ndërkohë në Përfaqësuese është thirrur Cesc Fabregas, i cili kishte munguar në ndeshjen miqësore kundër Danimarkës.Rauli dhe Guti janë lënë sërish jashtë, dhe tani më është e qartë se nëse kapiteni i Real Madridit nuk tregon një formë të mirë që në fillim të sezonit të ri, atëherë karriera e tij me Spanjën ka marrë fund.
Skuadra e Spanjës:
Portierë: Casillas (Real Madrid), Reina (Liverpool)
Mbrojtës: Albiol (Valencia), Navarro (Sevilla), Capdevila (Villarreal), Juanito (Betis), Puyol (Barcelona), Sergio Ramos (Real Madrid), Iraola (Athletic de Bilbao)
Mesfushorë: Xabi Alonso (Liverpool), Cazorla (Villarreal), Silva (Valencia), Xavi (FC Barcelona), Iniesta (FC Barcelona), Senna (Villarreal), Capel (Sevilla), Fabregas (Arsenal)
Sulmues: Güiza (Fenerbahçe), Torres (Liverpool), Villa (Valencia)

Scolari: Nuk merrem me transfere


Trajneri i ri i Chelseat, Luiz Felipe Scolari, nuk e di nëse mund të llogarisë në shërbimet e Robinhos këtë vit pavarësisht kërkesës së Bluve për ta transferuar brazilianin.“Nuk di çfarë të them për Robinhon sepse nuk është punë e imja të flas për lojtarët. Ata po mundohen ta sjellin Robinhon këtu, mirëpo puna ime është në fushë”.“Nëse do ta sjellin ose jo, kjo është punë e bordit, unë duhet të mendoj për takimin kundër Tottenhamit, jo për faktin se a vijnë apo nuk vijnë lojtarët”. “Personalisht nuk di asgjë se çka po ndodh me transferimin. Megjithatë, mendoj se ai është një lojtar shumë i mirë dhe nuk jam unë i vetmi që e dëshiroj në skuadër, të gjithë trajnerët në botë do ta dëshironin atë”, ka thënë trajneri i Bluve.

UEFA CUP 2008/2009


GRUPA A
AC Milan (ITA) - FC Zurich (SUI)
Timisoara (ROU) - Partizan (SRB)
Hertha Berlin (GER) - St. Patricks (IRL)
Banik Ostrava (CZE) - Spartak Moscow (RUS)
Metalist (UKR) - Besiktas (TUR)

GRUPA B
Portsmouth (ENG) - Guimaraes (POR)
Kayserispor (TUR) - Paris SG (FRA)
Sevilla (ESP) - Salzburg (AUT)
Wolfsburg (GER) - Rapid Bucharest (ROU)
Sampdoria (ITA) - Kaunas (LTU)

GRUPA C
Maritimo (POR) - Valencia (ESP)
Dinamo Zagreb (CRO) - Sparta Prague (CZE)
Manchester City (ENG) - Omonia (CYP)
Young Boys (SUI) - Club Brugge (BEL)
Nancy (FRA) - Motherwell (SCO)

GRUPA D
Everton (ENG) - Standard (BEL)
Napoli (ITA) - Benfica (POR)
Bellinzona (SUI) - Galatasaray (TUR)
NEC Nijmegen (NED) - Dinamo Bucharest (ROU)
Racing (ESP) - Honka (FIN)

GRUPA E
APOEL (CYP) - Schalke (GER)
Litex (BUL) - Aston Villa (ENG)
Austria Wien (AUT) - Lech Poznan (POL)
Setúbal (POR) - Heerenveen (NED)
Brann (NOR) - Deportivo La Coruña (ESP)

GRUPA F
Slavia Prague (CZE) - Vaslui (ROU)
Slaven (CZE) - CSKA Moscow (RUS)
Brondy (DEN) - Rosenborg (NOR)
Cherno More (BUL) - Stuttgart (GER)
Rennes (FRA) - Twente (NED)

GRUPA G
Ajax (NED) - Borac (SRB)
Tottenham (ENG) - Wisla Krakow (POL)
Copenhagen (DEN) - FC Moscow (RUS)
Zilina (SVK) - Levski (BUL)
Dortmund (GER) - Udinese (ITA)

GRUPA H
Braga (POR) - Artmedia (SVK)
Feyenoord (NED) - Kalmar (SWE)
Hamburg (GER) - Unirea Urziceni (ROU)
Hapoel Tel-Aviv (ISR) - St. Etienne (FRA)
Nordsjaelland (DEN) - Olympiacos (GRE)

Toni i gatshëm për rikthim në Firencë


Sulmuesi i Bayern Munichut, Luca Toni, mezi pret përballjen e Ligës së Kampionëve kundër Fiorentinës, dhe thotë se do të mendojë mirë nëse do t’i festojë golat e arritur kundër ish-klubit të tij.Sulmuesi italian pati një periudhë të shkëlqyeshme me Fiorentinën nga viti 2005 deri në vitin 2007, kur arriti 47 gola në 67 ndeshje.Verën e kaluar ai kaloi në Bayern për një shumë prej 9 milionë funtash, dhe tash do të përballet me ish-klubin e tij në fazën e grupeve të Ligës së Kampionëve.“Do të jem shumë i lumtur pasi të kthehem në Firencë dhe do të takohem me shumë njerëz që më kanë përkrahur. Mendova se do të takohemi vitin e kaluar në Kupën UEFA por tash është më mirë që këtë do ta bëjmë në Ligën e Kampionëve”, ka thënë Luca Toni, për sportiven italiane Gazzetta dello Sport.“A do të festoj në rast se shënoj gol kundër Fiorentinës? Është një pyetje e mirë dhe nuk mund të jap përgjigje tash. Kam dy muaj gjatë cilëve mund të mendoj”, ka shtuar Toni.Fiorentina do të udhëtojë në Munich më 21 tetor, derisa ndeshja e kthimit kur Toni do të vizitojë ish-stadiumin e tij, në Firencë, do të jetë më 5 nëntor.

Ferguson: Mund ta mbrojmë titullin e Ligës së Kampionëve


Trajneri i Manchesterit, Alex Ferguson, ka kërkuar nga lojtarët e tij që të hyjnë në historinë e futbollit duke mbrojtur titullin e Ligës së Kampionëve.“Askush nuk ka arritur ta mbrojë titullin në Ligën e Kampionëve. Kjo është një sfidë e madhe për Manchester United. Besoj se do të kem kualitetin e duhur në përbërje, për ta realizuar atë”, ka thënë Ferguson.“Kam shikuar në sytë e lojtarëve të mi, për të parë nëse ende janë të uritur për sukses, dhe jam i kënaqur që sërish jemi të gatshëm të fitojmë trofe”, ka shtuar trajneri skocez.

Lajmet Shkurt



  1. Bogdani drejt anglezëve të QPR

  2. Shorti favorizon të mëdhenjtë, Real e Juventus, në një grup

  3. Bajern i Mynihut merr Masimo Odon nga Milani

  4. Robinjo është i Çelsit, sot firma

  5. Ambrozini i sigurt te titulli

  6. Rivalldo “Dinjo do bëjë gjëra të mëdha te Milani”

  7. Senderos: “Milani, një ëndërr që u bë realitet”

  8. Kllishi: “‘Topçinjtë’ do të fitojnë titullin”

Kriza mbërrin në Spanjë, pa K. Ronaldon s‘ka yje


Spanjollët kanë shpenzuar sa gjysma e 2007-ësKriza ekonomike, që po përjeton Evropa, ka mbërritur edhe në kampionatin spanjoll, i cili vuan nga një paralizë në frontin e blerjeve të nivelit në dy muajt e fundit. Ky është reflektimi i momenteve të vështira dhe i taksave të larta për klubet. Një vit më parë, skuadrat e Ligas thyenin rekordin e shpenzimeve për lojtarë të rinj: 540 milionë euro. Dymbëdhjetë muaj më pas, kanë arritur gati te gjysma e kësaj shifre. Real Madrid ka kërkuar deri më sot të sjellë në Spanjë fenomenin Kristiano Ronaldo, por madje tani i ka ikur edhe Robinjo. Pa portugezin, futbolli spanjoll mbetet pa blerje të mëdha. Reali, simboli tradicional i merkatos së futbollit, deri tani ka blerë holandezin Rafael van der Vaart, në prezantimin e të cilit më shumë zhurmë është bërë për gruan e tij shumë të bukur, Silvia, sesa për futbollistin. Barcelona ka harxhuar më shumë se Reali 90,5 milionë euro, falë mbërritjeve të Keita, Xherrard Pike, Martin Kaceres, Daniel Alves e Alexander Hleb.

Superkupa, për majën e Evropës


Sot në mbrëmje do të luhet përballja mes dy kampionëve evropianë për klube, pikërisht Mançester Junaitid dhe Zenit St.Petersburgut. Anglezët arritën të triumfojnë në trofeun më prestigjioz, Ligën e Kampioneve, duke mundur në finale bashkatdhetarët e Çelsit. Një ndeshje e mbushur me emocione dhe spektakël, e cila e caktoi fituesin e saj pikërisht me anë të gjuajtjes së penalltive. Ndërkohë, në Kupën UEFA, ishte pikërisht Zeniti, ai që arriti t’i surprizojë të gjithë. Edhe pse nuk hynin në listës e ekipeve pretendentë për triumf, rusët triumfuan me meritë të plotë, duke mundur kundërshtarë të fortë, përfshirë dhe gjermanët e Bajernit të Mynihit. Tashmë, të dyja ekipet do të kërkojnë trofeun e vetëm që i vë përballë dy kampionët. Mançesteri dëshiron suksesin, për të ruajtur atmosferën fituese dhe për të nisur me “këmbën e mbarë” një sezon që synohet të jetë gjithashtu i suksesshëm. Por në të vërtetë nuk do jetë edhe aq e lehtë. Në anën tjetër janë rusët, të cilët asnjëherë nuk mund t’i parashikosh dhe që janë po aq të motivuar sa kundërshtari për të treguar potencialin e tyre. Pritet rivalitet i fortë dhe emocione në një përballje mes dy ekipeve që luajnë lojë të shpejtë dhe të bukur, gjithsesi për “djajtë e kuq” do të mungojnë disa lojtarë, midis të cilëve edhe ylli portugez Kristiano Ronaldo, i cili nuk është në kondicionin e duhur fizik.

Arshavin “Mund të iki dhe dua të triumfoj patjetër”


Ylli i klubit rus të Zenitit, Andrei Arshavin, ka deklaruar se kjo mund të jetë përballja e tij e fundit me fanellën e skuadrës, pasi është përfolur shumë gjatë merkatos të verës dhe në fakt është gati për të provuar një aventurë të re. Në një situatë të tillë, ai nuk dëshiron të humbasë shansin që të largohet me një trofe të rëndësishëm dhe premton maksimumin e tij në këtë përballje. “Do të jetë një sfidë shumë e vështirë për ne, pasi do kemi përballë një nga ekipet më të mëdha dhe më të forta në botë. Gjithsesi, ne kemi treguar se nuk i trembemi asnjë kundërshtari dhe do luajmë për fitore në fushën e lojës. Kjo mund të jetë ndeshja ime e fundit me Zenitin dhe do jap më të mirën time për ta fituar këtë trofe, pasi nëse largohem, dua ta bëj si triumfues”, ka thënë Andrei Arshavin.

Advokat: “Është nder për ne të luajmë në këtë ndeshje”


Trajneri i Zenitit, holandezi Dik Advokat ndihet shumë i lumtur që do të luajë në Superkupën e Evropës. “Të luash këtë përballje do të thotë që je një skuadër e suksesshme. Jemi shumë krenarë që kemi arritur në këtë nivel dhe jemi gati për të ruajtur një status të tillë. Është kënaqësi të luash përballë një klubi madhështor si Mançester Junaitid dhe do të jetë një ndeshje shumë e bukur. Gjithsesi, ne jemi të motivuar dhe të vetëdijshëm, se mund ta fitojmë këtë trofe. Do japim maksimumin tonë dhe të jeni të bindur se do luajmë në fushën e lojës pa asnjë lloj presioni. E kemi treguar dhe herë të tjera që nuk i trembemi asnjë kundërshtari, vetëm i respektojmë”, ka thënë trajneri i Zenitit, Advokat.

Ferguson: “Kurorëzimi i një sezonit të suksesshëm”


Trajneri i Mançester Junaitid dëshiron të fitojë patjetër Superkupën, për t’i dhënë fund në mënyrën më të mirë sezonit, në të cilin arriti të fitojë Ligën e Kampioneve dhe kampionatin. “Është një trofe shumë i rëndësishëm, si në aspektin moral, ashtu edhe në atë material. Do të ishte kurorëzimi i duhur për sezonin që shkoi, në të cilin i fituam të gjitha kompeticionet më të rëndësishme ku luajtëm. Duhet të jemi të qetë dhe të përqendruar në fushë, pasi do luajmë ndaj një kundërshtari shumë të fortë, i cili tashmë nuk është një surprizë. Kanë futbollistë shumë cilësorë dhe luajnë një futboll shumë të shpejtë. Gjithsesi, ne do t’ia dalim mbanë”, tha trajneri i “Djajve të Kuq”, Aleks Ferguson.

KAKA “Shumë shpejt do kthehem në fushë”


Në përfundim të stërvitjes së djeshme, braziliani Kaka ka bërë një përmbledhje të shkurtër të gjendjes së tij fizike: “Dalëngadalë po përmirësohem, synoj të filloj punën përgatitore me topin në fillim të muajit shtator dhe shpresoj që të jem gati në javën e dytë të kampionatit. Dje kam bërë disa testime me topin, – ka thënë Kaka. – Për fat të mirë nuk kam ndjerë asnjë shqetësim. Madje, edhe pasi dyfishova punën përgatitore nuk kam ndjerë dhimbje. Ky është një lajm i mirë për mua, sepse do të thotë që gjuri tani është në rregull dhe se, shumë shpejt do zbres në fushë”. Në përfundim, Kaka flet për rikthimin e Shevçenkos: “Jam takuar me Shevën, më është dukur i lumtur, por edhe unë jam i lumtur për rikthimin e tij”.

ÇELSI I jep Robinjos bluzën e Shevçenkos


Çelsi konfirmon transferimin e Robinjos në Londër, teksa ka filluar të shesë edhe bluzën me emrin e tij nëpërmjet internetit. Midis bluzave të Dekos, Territ, Lampardit, Çehut dhe lojtarëve të tjerë të ekipit, një tifoz i 'bluve' mund të veshë edhe bluzën me numrin 7, pak më parë të mbajtur nga Sheva, por tani me emrin e Robinjos. Dje në mëngjes është bërë e ditur se londinezët kanë porositur kopje të uniformës që braziliani do të mbajë te Çelsi, duke vënë në pah besimin e madh që ka klubi për arritjen e marrëveshjes me Realin e Madridit. Meqë mesfushori 24-vjeçar tani ka marrë numrin e bluzës dhe fakti që Kenion pret Robinjon brenda pak orësh, lë të kuptohet se një marrëveshje paraprake është siguruar mes dy klubeve, Real dhe Çelsi.

“Berbatov largohet nëse vjen Arshavini”


Klubi i Totenhemit është i vendosur të mbajë në skuadrën e tij sulmuesin Dimitar Berbatov, vetëm nëse me ekipin e tyre nuk bashkohet rusi Andri Arshavin. Roman Pavliuçenko raportohet të ketë firmosur me londinezët, të cilët e blenë 12 milionë sterlina nga Spartaku i Moskës, por firma e tij nuk do të mjaftojë që Berbatovi të shkojë në "Old Traford", sepse për momentin skuadra e Ramosit ka në dispozicion vetëm dy sulmues. Klubi i Totenhemit shpreson se brenda kësaj jave të përfundojnë bisedimet me klubin e Zenitit lidhur me Andri Arshavinin, për të cilin kanë ofruar 20 milionë euro. Nga ana tjetër, Zeniti bleu portugezin Dani Alvesh të Dinamos së Moskës për shumën rekord në Rusi, 30 milionë euro. Ai shihet si pasuesi i Arshavinit.

Superkupa, Mançesteri favorit ndaj Zenitit


Zenit i San Peterburgut nuk duket se të jetë në gjendje për të përsëritur sezonin fantastik, të mbyllur me fitoren e titullit në Rusi dhe të Kupës UEFA. Skuadra e Advokat tashmë është shumë larg vendit të parë në kampionat, Rubin Kazan. Mançester Junajtid, edhe pse pa Kristiano Ronaldon, ka fituar kupën "Cummunity Shield" dhe ka 4 pikë në dy ndeshje të Premier League. Bastexhinjtë e shikojnë Mançesterin si favorit për ndeshjen e sotme në Montekarlo, e vlefshme për Superkupën Evropiane. Ndeshja mund të mbyllet me një fitore të skuadrës angleze, ku pritet të shënohen 3 gola e sipër, ndoshta një triumf 2-1 në kohën e rregullt.

BLANK Administratori i Juventusit


“Nuk është një grup i lehtë, por ne nuk jemi aspak të shqetësuar. Do japim më të mirën tonë dhe do ia dalim mbanë. Juve-Real? Është rasti i duhur që ne të tregojmë se jemi rikthyer në nivelin e duhur për të kënaqur tifozët tanë. Do vazhdojmë punën e nisur dhe do arrijmë rezultate pozitive edhe në Ligën e Kampioneve. Jemi të bindur për këtë gjë”.

Rezultatet UEFA CUP


Napoli 5 - 0 Vllaznia
Rosenborg 5 - 0 Djurgarden
FC Moscow 2 - 0 Legia Warsaw
FC Midtjylland 0 - 1 Manchester C. * (penalti)
Hapoel Kiryat Shmona 1 - 2 Litex Lovech
Hapoel Tel Aviv 3 - 0 Vojvodina Novi Sad
Zrinski 0 - 2 Braga
Hertha BSC 1 - 0 Interblock
Slaven Belupo 2 - 0 Aris Saloniki
SV Salzburg 0 - 1 Suduva
Viking 1 - 2 Honka
Cherno More Varna 2 - 0 Maccabi Netanya
Kalmar 4 - 0 AA Gent
Lillestrom 2 - 4 FC Copenhagen
Omonia Nicosia 2 - 2 AEK Athens
Austria Vienna 2 - 0 WIT Georgia
Brondby 2 - 0 Haka Valkeakoski
FC Vaslui 3 - 1 L. Metalurgs
Sturm Graz 1 - 1 Zurich * (penalti)
Zilina 2 - 1 Liberec
Besiktas 4 - 0 Siroki Brijeg
Debrecen 2 - 3 Young Boys Bern
Grasshoppers 0 - 0 Lech Poznan
Bellinzona 2 - 1 Dnipro D'petrovsk
Red Star Beograd 3 - 3 APOEL Nicosia
Gyor 1 - 4 Stuttgart
Rennes 2 - 0 Stabaek
Hajduk Split 0 - 2 Deportivo La Coruna
St. Patricks 2 - 1 Elfsborg
Aston Villa 1 - 1 Hafnarfjordur

Oddo premton rikthimin


Mbrojtësi i Milanit, Massimo Oddo, është betuar se do të kthehet te skuadra e tij pas huazimit njëvjeçar te gjermanët e Bayern Munich.“Po largohem përkohësisht nga skuadra ku kam ëndërruar të luaj si fëmijë, dhe nga skuadra e cila më ka mundësuar të fitoj trofe të rëndësishëm”. “Ishte një zgjidhje e vështirë, mirëpo kemi arritur një marrëveshje me klubin dhe i falënderoj drejtuesit për këtë gjë. Do të përballem me një sfidë të re dhe shpresoj të përparoj më shumë”. “Bashkëlojatërve të mi iu uroj suksese të mëdha deri sa të kthehem. Po ashtu dëshiroj t’i falënderoj tifozët të cilët kanë qenë të afërt me mua dhe më kanë mbështetur në momente të vështira”, ka thënë ish-lojtari i Lazios për faqen zyrtare të Milanit.

Benfica konfirmon transferimin e Suazos


Ekipi portugez Benfica, ka pohuar se ka arritur ta angazhoje sulmuesin e Interit, David Suazo, si nje huazim njëvjeçar.Pritej qe Suazo te largohej nga Interi, pasi qe nuk ishte pjese e planeve te trajnerit te ri, Jose Mourinho, dhe pasi qe refuzoi disa klube ne Itali, lojtari ka pranuar te kaloje ne kampionatin portugez, edhe ate tek Benfica.“David Suazo eshte lojtar i ri i Benficas. Lojtari i talentuar 28-vjeçar, i cili sezonin e kaluar luajti per Interin, do te vije si huazim njëvjeçar ne Benfica”, shkruhet ne faqen zyrtare te klubit portugez.

Vllaznia pesëshe me kajmak ne Napoli


Ekipi i vetëm shqiptar, qe garonte ne garat evropiane, Vllaznia, ka marre nje ‘peseshe’ golash ne ndeshjen e kthimit ne kuadër te Kupes UEFA, si mysafir i ekipit italian Napoli.Rinaudo hapi serine e golave tre minuta para fundit te pjesës se pare (42’), ndërsa shtate minuta pas fillimit te pjesës se dyte, Pi shenoi per te dyfishuar rezultatin.Tre minuta me pas, Rinaudo, shenon golin e dyte te tij dhe te tretin per ekipn italian, derisa ne dhjete minutat e fundit, ekipi shkodran pesoi edhe dy gola te tjere, nje nga Lavezzi (80’) dhe nje tjetër nga Hamsik (87’).Ndeshja e pare kishte përfunduar 3-0 per ekipin italian, qe kështu kualifikohet me rezultat te pergjithshem 8-0. Rezultatet nga ndeshjet tjera kualifikuese per ne Kupen UEFA, do t’i gjeni ne pjesën e djathte te ekranit.

Inter arrin marrëveshje per transferimin e Quaresmase


Mediat italiane kane përcjellë lajmin se Interi mbreme, ne orët e vona te natës, ka arritur marrëveshje me klubin portugez, Porto, per te transferuar Quaresman.Lajmet te cilat arrijnë nga Italia, thone se saga e transferimit te portugezit tashme ka përfunduar. Gazzetta dello Sport shkruan se Inter dhe Porto kane arritur mbreme marrëveshje përfundimtare per anësorin.Sipas sportives italiane, nerazuret do te ndajnë afro 20 milione euro si edhe shërbimet e Pele per te marre shërbimet e Quaresmas.Publikimi zyrtar pritet me vone, ndërsa lojtari duhet te arrije ne Milano gjate ditës. Ai tashme i ka përcaktuar kushtet personale me Interin, dhe pritet te nënshkruaje marrëveshje katërvjeçare, nga e cila do te përfitoje 3 milione euro ne vit.

Nedvedi inatoset, Ranieri e fal


Çeku goditi një kanoçe, kur u zëvendësua, por Juvja e zhdramatizoi. Presidenti Cobolli tha se “Zonja” u kthye në shtëpi. Të parin e kanë kurorëzuar në vitin 1563. Ai quhej Masksimilian, dhe u bë mbreti i Hungarisë. Më pas e pati radhën Leopoldi i parë, Jozefi i parë dhe Mari Tereza, të gjithë me kurorën në kokë, në Katedralen e Shën Martinit, në Bratisllavë. Sipas rendit kohor, këtë herë kurora përfundoi mbi kokën e Amauri Carvalho de Oliveiras. Duhej të kishte qenë mbrëmja e tij, dhe ashtu ndodhi. Sa për detaje: Katedralja e Shën Martinit është një mrekulli, ndërsa stadiumi “Tehelne Pole” ishte i dorës së dytë, por për momentin është mirë edhe aq. Amauri u nis për në Europë dhe bëri me fanellën e Juves atë që kishte bërë edhe me fanellën e Chievos: shënoi menjëherë, pas 25 minutash.MË MIRË FODREK - Në këtë mënyrë, ai e rivendosi ekuilibrin pas një pjese të parë të mërzitshme, e cila u zbukurua disi nga goli i jashtëzakonshëm i Fodrekut. “Mbase rezultati i takimit të parë na bëri të luanin nën tonus, - shpjegoi Ranieri. - Megjithatë, ndihem i kënaqur, sidomos nga mesfusha. Dyshja Poulsen-Marchisio më bindi.” Përfundoi 1-1 goli i Amaurit; mbase nuk ishte edhe aq spektakolar, megjithatë, prapë gol ishte. Për të ishte i pari në ndeshje zyrtare me Juventusin. Braziliani nuk e pati të vështirë të buzëqeshte, madje i dhuroi një buzëqeshje edhe Iakuintës: “Me Vincencon u kuptova shumë mirë në fushë. Tani Ranieri e di se mund të ketë besim te ne”. Në këtë mënyrë, ai tregoi se klubi i ka shpenzuar mirë 22,8 milionë eurot që investoi për ta rrëmbyer nga konkurrenca e Milanit. Bardhezinjtë tani kanë edhe një tjetër “mbret”, i cili do ta ndajë fronin me Del Pieron, Trezeguet dhe Iaquintën, duke krijuar disa probleme bollëku, të cilat në të vërtetë nuk janë aspak probleme. INATI I NEDVEDIT - Ndërkohë, mendime krejt të kundërta do të jenë bluar në kokën e Nedvedit. Çeku, pasi e shleu pezullimin, u kthye në Europë. Sikurse dihet, Championsi është objektivi, me të cilin ai synon ta mbyllë karrierën e tij të jashtëzakonshme. Mbase për këtë arsye, kur Giovinco zuri vendin e tij në fushë, ai goditi me shkelm një kanoçe me ujë pranë stolit. Por më pas ai u ul në stol dhe priti që të mbaronte ndeshja. Disa kampionë kështu janë: nuk duan të dorëzohen kurrë. Tani Juvja është kthyer me të vërtetë në Champions dhe ai do të ketë mundësi për ta korrigjuar veten. Në fakt, Ranieri i ra shkurt: “Besoj vetëm se donte të qëndronte pak më shumë në fushë; është shenjë force, por unë duhet t’i bëj llogaritë me kampionatin. Të dielën do të shkojmë në Firence…”. Më pas trajneri shtoi: “Dua t’i përgëzoj të gjithë, gardën e vjetër, por edhe Deshampsin, i cili e ringjiti menjëherë këtë skuadër në Serinë A”. Pra, në normalitet, sikurse thekson edhe presidenti Cobolli Gigli: “Po, tani jemi në Champions! Është kjo shtëpia e Juventusit!”.NDESHJA NË FIRENCE - Mbrëmja u mbyll me kaq: iu dha lamtumira Bratisllavës, kryeqytetit të Sllovakisë, vendit të grabitur për shekuj me radhë nga mbretëritë e Europës Qendrore. Atje, në mesin e dytë të viteve 1400, mbreti Matia Korvino themeloi universitetin e parë hungarez. Nuk dihet nëse ai ka ndonjë lidhje gjaku me Pantaleo Korvinon, drejtorin sportiv aktual të Fiorentinës, por nuk i dihet asnjëherë, sikurse thotë Amauri: “Ndaj Fiorentinës kam luajtur gjithnjë mirë dhe kam shënuar golin që më bëri pak të njohur për të gjithë. Dakord, do të vendosë trajneri, por unë shpresoj të luaj. Përsee Unë di se Juvja është shansi më i madh i jetës time, dhe dua të shënoj çdo të diel”. Ky mund të jetë një sinjal. Fiorentina është paralajmëruar: të dielën do të ketë një “mbret” brazilin, i cili do të kërkojë edhe një tjetër kurorë.

Secco: Tiago do te kaloje te Monaco


Drejtori sportiv i Juventusit, Alessio Secco ka folur per mediat italiane rreth se ardhmes te portugezit juventin, Tiago Cardoso Mendes. Secco ka thene se eshte arritur akordi nga dy klubet, mirepo thekson se ka mbetur vetem edhe lojtari i cili do te vendos gjithcka. Besoj se cdo gje do te shkoje sipas planit dhe se Tiago do te pranoje nje huazim tek principata ne Monaco, me mundesi pas nje viti t'i blihet kontrata ne menyre permanente. Mirepo Secco eshte i sigurt qe Tiago do te kaloje ne Monaco. Kjo eshte zgjidhja e vetme per te dyja palet - ka mbaruar Secco.

Mesfusha i shfac kokedhembje Claudio Ranierit


Juventusi po perballet me krize ne radhet e mesfushes pas lendimeve te Mohamed Sissokos dhe Pavel Nedvedit, te dy kane pesuar lendim gjate stervitjeve. Claudio Ranieri duket i brengosur pas lendimeve te stervitjeve te sotshme te Sissokos dhe Nedvedit, vetem disa dite para ndeshjes kunder Fiorentines. Ne ditet kur pritet Tiago te kaloje ne Monaco, Nedved ne stervitjet me skuadren ne Vinovo, pesoi lendim ne kavilje. Gjithashtu eshte lenduar edhe Momo Sissoko, i cili ka ndier dhimbje te forta ne shpine pas nje dueli me mbrojtesin Zdenek Grygera. Ndeshjen kunder Fiorentines me siguri do ta fillojne Claudio Marchisio dhe Christian Poulsen, ndersa Zanetti dhe Marchionni ende jane gjate periudhes se rikuperimit. Lendimi i Sissokos nuk do t'i brengose edhe aq shume bardhezinjte, pasi qe ai eshte i skualifikuar ne kete ndeshje, pas kartonit te kuq te fituar ne ndeshjen e fundit te sezonit te kaluar kunder Sampdorias. Juvja per momentin eshte ne bisedime me Monacon per huazimin e Tiago Mendesit ne kete skuader, me mundesi pas nje viti ai te jete krejtsisht i blere nga ana e principates.

28 gusht 2008

Juventus ka nje orar te mire te ndeshjeve ne Champions

Orari i ndeshjeve:
17.09.2008 Juventus - Zenit St Petersburg
31.09.2008 Bate Borisov - Juventus
21.10.2008 Juventus - Real Madrid
05.11.2008 Real Madrid - Juventus
25.11.2008 Zenit St Petersburg - Juventus
10.12.2008 Juventus - Bate Borisov